50

مسلم لیگ (ن) کے عدلیہ پر حملے ناقابل برداشت ہیں: بلاول بھٹو زرداری

پاکستان پیپلز پارٹی کےچیئرمین بلاول بھٹو زرداری نے کہا ہے کہ شریف خاندان ایک بار پھر عدلیہ کے ذریعے من پسند فیصلے صادر کرانا چاہتا ہے، مسلم لیگ (ن) کے عدلیہ پر حملے ناقابل برداشت ہیں۔

انہوں نے کہا کہ جب فیصلے شریف خاندان کی ڈکٹیشن کے مطابق ہوں تو انہیں انصاف لگتا ہے، ماضی میں ان کی جسٹس (ر) قیوم کو کام ہی اصل سازش تھی، ٹیلیفون کالز عدلیہ کو نشانہ بنانے کے مترادف ہے۔

بلاول بھٹو کا مزید کہنا تھا کہ پاناما پر سپریم کورٹ کا فیصلہ ان کو سازش لگتی ہے، شریف خاندان جھوٹ، دھوکے باز اور منافقت کے ماہر ہیں۔

یاد رہے ماضی میں (ن) لیگ نے اپنی حکومت میں سابق چیئرمین نیب سیف الرحمان کے ذریعے جسٹس (ر) قیوم سے اپنی مرضی کا فیصلہ لینےکے لیے رابطہ کیا تھا۔

بعد ازاں وزیر پنجاب شہباز شریف نے بھی نااہل وزیر اعظم نواز شریف کی ایما پر ایم این اے چوہدری سرور کے کرپشن کیس میں من پسند فیصلے کے لیے جسٹس (ر) قیوم سے رابطہ کیا گیا تھا۔

اس خبر پر اپنی رائے کا اظہار کریں

اپنا تبصرہ بھیجیں